Glan, Sarangani Province—Gikagubtan sa mga residenti sa purok Kuda, Barangay Gumasa, Glan, Sarangani Province ang nakaplagang patayng balyena, sa baybay nga bahin sa maong lugar.
Sumala ni Dodong Soralta residenti sa lugar ug maoy unang nakakita sa patayng isda nga alas 4:00 ang takna sa kabuntagon dihang ilang nakit an ang nadagsa nga patayng balyena sa lugar.
Gibana-banaang anaa sa 2 mil kilos ang gibug-aton niini kansa dunay dakong samad sa iyang lawas.
Dugang pa ni dodong nga posibleng pipila na ka adlaw dihang namatay ang maong balyena.
Dako ang pagtuo ni Dodong nga posibleng nakigbugno ang maong balyena ngadto sa dakong isda sa kadagatan nga hinungdan sa kamatayon niini.
Gibutyag usab ni Dodong nga dili nila masulti kung ang pagtumaw sa dakong isda ang dunay dalang tilimad-on sama nalang sa kalamidad.
Hinuon sumala pa ang mga residenti sa ilang lugar wala man nakabati ug kabalaka o kahadlok human napadpad ang patyang balyena.
Kung duna man ugaling dala nga kalamidad ang pagtumaw sa balyena nan, ang Ginuo nalang ang nasayod niini ug ang Ginuo nalang usab nag balaha nga manalipod kanilang mga residente.
