Kapoy, nagapalamuypoy ang lawas kag nagapiyong ang mata ni Alias Doray nga nagahigda sa wala nga butkonni Dennissamtang nahakos sang tu-o nga kamot sang lalaki.
Kapoy si Doray bangod bag-o lang sila makatapos pakighilawas ni Dennies, ang kerida sini.
Likom sa iya ihibalo, nasaksihan sang iya bana nga si alias Hapon ang kababoyan nga iya ginhimo.
Suno kay Alias Hapon, driver sang sikad, nadumduman niya nga wala pa makapauli ang iya anak gani nadumduman niya nga kadtuan ini sa peryahan sa diin nagatrabaho ang iya asawa.
“Nadumduman ko nga ang bata ko gali wala pa kapuli, ginkatuan ko to. Pagkadto ko to, nabatian ko may naga-ugayong, ginpalapitan ko, nakita ko ang lalaki ara gasampaw sa babaye,” pahayag ni Hapon sa interview sang RMN Iloilo.
Kadungan sa masingkal nga silak sang init sang adlaw, mainit man ang pagbayluhanay sang halok, dapulay kag ugayong sang iya asawa kag kerido sini. Mapilit ang iya balhas pero mas mapilit ang nakita niya nga pagdukot sang panit sang iya asawa sa kerido sini.
Suno sa bana nga si alias Hapon, madugay na niya nga nabatian nga may relasyon ang iya asawa kag si alias Dennis nga upod man nila sa peryahan.
Subong man, sa pihak sang mga huring-huring, wala gid namwersa si alias Hapon kag ginpanilagan pa ang iya asawa.
Sa nasaksihan, daw ginlansang si Hapon sa iya natindugan. Sa pihak sang pagluib sa iya sang asawa, indi niya gusto nga mag eskandalo kag mahuy-an ini sa mga tawo sa peryahan.
“Ang lalaki kag babaye wala short kag wala panty. Pagkakita ko daw na shock ko bala. Wala ko kahulag. Nag atras ko. Pag-atras ko, nadumduman ko may cellphone ko gali sa bulsa ko. amo to ginkuha ko cellphone ko kag ginkuti, kuhaan ko tani video. Tapos ko kuha cellphone, amat-amat ko palapit, nagapahuway-huway na sila, tapos na. Ang lalaki gahigda na, ang babaye ga-ano pa sang short ya, pero abre (zipper) pa ang short sang babaye.”
Daw nakapanumdom man ang bana nga patup-an ang duha, magkuha sang matalum nga bagay apang nagdaog sa iya panumduman nga madamo snag tawo, mahuy-an sila kag may mga kabataan pa sila sang iya maluib nga asawa.
Ginkuhaan sang video ni Hapon ang asawa kag kerido sini agud gamiton nga ebidensya batuk sa duha. Pagkatapos sini, nagtawag si Hapon sang pulis kag gindakop ang duha.
Ginhatag sang bana sa RMN Iloilo ang video nga iya ginkuha.
Preso na karun sa Jaro PNP ang asawa nga si alias Doray kag kerido sini nga si alias Dennis. Natalana naman nga magpasaka sang kaso ang bana batok sa duha.
