Girasyonan ug pagkaon ug tubig sa kagamhanan sa dakbayan sa Mandaue ang 370 ka mga dinakpan nga sabungero ug padayong gitanggong sa Criminal Investigation and Detection Group-7.
Ang mga sabungero nireklamo nga gipanggutom ug gipang-uhaw kay wa pa silay kaon sukad sila nadakpan kagabii sa D and C Coliseum nga nahimutang sa Barangay Ibabaw sa maong syudad .
Ang CIDG-7 nironda sa buwangan human giingong nakalapas sa pagpahigayon ug sabong sa mga adlaw nga gawas sa Dominggo ug pista-opisyal.
Gawas sa pagkaon , gipadalhan usab sila sa kagamhanan sa syudad sa Mandaue ug portalet aron adto sila motubag sa sugo sa ilang lawas.
Facebook Comments
