Walay kamatooran ang report nga gipagawas sa PNP ug militar na Front Secretary ug spokesman sa Sub Regional Committee sa North Eastern Mindanao Regional Command sa New People’s Army ang naaresto na si Pablito Sinso Campos, Jr. alyas ka Batik, 43 anyos ug residente sa Sitio Han-ayan, Diatagon, Lianga, Surigao del Sur.
Sigun ni Ka Sandara, tigpamaba sa NPA adunay responsibilidad sa kalihukan si Campos apan dili ang posisyon nga gipasiatab sa PNP ug AFP.
Niya pa usa lang ang spokesperson sa GF21 ug GF30 ug dili si Campos.
Una nang gibutyag ni 4th Infantry Division Phil. Army Commander MGen. Ronald Villanueva na si Campos ang Front Secretary, Political Officer sa Guerrilla Front 21A ug tigpamaba sa Sub Regional Committee sa NEMRC.
Aduna kiniy walo ka warrant of arrest sa mga kasong rebelyon, murder, frustrated murder multiple attempted murder, kidnapping ug serious illegal detention na naaresto sa Sibagat, Agusan del Sur.
Nakuha sa iyang posisyon ang usa ka M4 rifle, tulo ka cellphones, usa ka granada ug mga personal na gamit.
