Gawasnon na karon sa balay bilangguan ang unom ka mga dinakpan may kalabot
sa sugal nga (Cara Y Cruz or Hantak) human kini sila nakapyansa sa kantidad
nga gipangayo kanila sa korte bugti sa ilang kagawasan.
Kahinumduman nga napasakaan kini sila si Bienvenido G. Allones; Anito B.
Lumbos; Ranillo P. Tagad; Climaco C. Atay; Rudy B. Lumbos; ug Victoriano Y.
Ledama sa kasong paglapas sa PD 1602 ilawom sa CC no. Nr. 1903, aprubado ni
Provincial Prosecutor Atty Gabino S Saavedra II.
Ang korte adunay nakalatid nga pyansa sa kantidad nga P10,000mil ka pesos
matag usa kanila.
Niadtong adlawng lunes, ang tanang akusado gipagawas kini gikan sa
kustodiya sa kapulisan human naka pyansa.
Mi isyo ug release order si Presiding Judge Veronica C. DG-Laput sa MTC
Roxas, Zamboanga del Norte.
Kahibaloan nga hugtanon gayud nga gidili ang illegal nga sugal alayon kini
sa direktiba ni pangulong Rodrigo Duterte.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
