Tapaz, Capiz – Magapangatubang sang kaso nga pagbayolar sa R.A. 10591 ukon Firearms and Ammunition’s Act ang 43 anyos nga traysikad driver matapos nadakpan nga nagapakiwal sang armas luthang sa Brgy. Daan Banwa,Tapaz, Capiz.
Nagluntad ang insidente alas 9:00 sang gab-i, sadtong Enero 28, 2018. Ginkilala ang suspek sa kay Larry Bluma y Castor sang Brgy. Tabon, Tapaz, Capiz kag temporaryo nga nagapuyo sa Poblacion, Tapaz. Nahibaluan nga nagresponde ang mga mga katapo sang Tapaz PNP, matapos makabati sang sunod-sunod nga lupok sang armas luthang.
Gin-aresto sang mga otoridad ang suspek matapos maaktuhan sang mga ini nga bitbit pa ni Bluma ang .45 caliber pistol. Samtang nagapabilin sa kustodiya sang Tapaz PNP ang nasambit pedicab/traysikad driver.
(web photo)
