South Cotabato—Hingpit nang napasakaan ug kaso sa Tboli PNP ang ilang dinakpan nga giakusahang usa ka extortionist atol sa gihimong entrapment operation niadtong nakalabayng simana. Kini ang gikumperma ni Police Chief Inspector Ramil Villagracia, hepe sa Tboli PNP.
Sumala sa nasangpit nga niadtong nakalabyng adlaw ila nang napasang-at ang kaso batok ngadto kang Sanny Boy Klonge nga taga Purok Oro 2, Barangay Poblacion sa ,maong lungsod.
Una nang gireklamo ang suspek sa usa ka complainant kansa iyang gikilkilan ug kwarta pila na ka higayon. Human mireport, gilayong gipahigayon ang entrapment operation nga miresulta sa pagkasikop sa nahisgutang suspetsado.
Dugang pagbutyag ni Villagracia nga si Klonge nahimong state witness sa kasong pagpanglugos nga gikalambigitan sa duha niini nga mga amigo. Pila ka bulan ang nakalabay, didto na nagsugod ang suspek ug pangayo ug kwarta sa complainant sa kaso kansa iya ra usab nga iyaan.
Gawas sa complainant , iya usab nga ginapangayuan ug kwarta ang pamilya sa duha ka mga suspetsado bugti sa pag-atras niini isip state witness sa kaso.
