Gibutyag ni Police Major Jake Goles, Sasa Police Station Commander, gisilbi nila ang warrant of arrest sa kasong paglapas sa R.A 10863 kun Customs Modernation and Tariff Act batok sa mga suspek nga sila FADLI MACHMUD ug FAJAR ANTANARI mga crew sa naharang sa Naval Forces Eastern Mindanao nga sakyanang panagat sa Balut Island, Sarangani, Davao Occidental.
“Atubangon gyod nila tong kaso… meron silang mga dalang kontrabando, lalo na iyong mga sigarilyo pero wala silang mapakitang mga pertinent documents. Iyong tax declaration, stamp tax so negative talaga makikita na counterfeit at illegally transported na pinasok siya sa teritoryo ng Pilipinas,” segun niini.
Kahinumduman nga nadakpan na niadtong Mayo 6,2023 sa Philippine Coast Guard (PCG) Station Western Sarangani didto sa Barangay Taliac, Maasim, Sarangani Province ang duha ka mga suspek diin nasakmit ang 20 ka mga karton sa smuggled cigarettes nga mobalor sa P600K nga gibyahe pa gikan og Tinakarang, Marore Island, Indonesia.
Nakakustodiya karon sa Sasa Police ang mga Indonesian National uban ang duha usab ka mga nadakpang Pinoy nga crew nga giidentipika usab nga sila , JOEL PARDILLO, 54 anyos, taga-Prk 5, Sto Niño, Apopong General Santos City ug RYAN ALIMUDIN COLLANO, 37 giingong kapitan sa maong watercraft nga taga-Mabias, Balot Island, Davao Occidental.
Gikatakdang i-turn over ang duha ka mga Indonesian National ngadto sa Maasim Municipal Police Station ang mga Indonesian National.
RadyoMaN Aimee Guinita
