Davao City – Gipasaka kagahapong adlawa Mayo 29, 2023 ang kaso batok sa usa ka person of interest sa Bragas Rape Slay nga si Renato Bayansao, alias ‘Empoy’, human nadakpan sa joint buy bust operation sa pagpanguna sa National Bureau of Investigation (NBI-Xl) ug Philippine Drug Enforcement Agency (PDEA-XI), niadtong Sabado alas 12:45 sa kaadlawon, Mayo 27, 2023 sa Brgy.Calinan, syudad sa Davao.
Sa interbyu sa DXDC RMN Davao kang Noli Dimaandal, Spokesperson sa PDEA-XI gisulti niya nga duha ka kaso ang gipasaka batok kang Empoy tungod sa kalapasan sa RA 9165 o Comprehensive Dangerous Drugs Act of 2022 ug RA 10591 o Illegal Possession of Firearms and Ammunition.
Nahinabi usab sa DXDC RMN Davao si Atty. Archie Albao Regional Director sa NBI-XI ug gibutyag niini nga kumpirmado nga nagagamit og illegal drug si Bayansao.
Dugang ni Albao, hangtud nga walay mopatim-aw nga mo-testigo dili mapasakahan og kaso si Empoy sa kasong paglugos ug pagpatay kang Bragas.
RadyoMaN Don Pulayao
Facebook Comments
