General Santos City—Patay ang usa ka 59 anyos nga lalaki human natumbahan ug nadat-ugan sa natumbang punuan sa kahoy kagahapon sa hapon, June 6, 2018.
Giila ANG biktima nga si Rogelio Gomez, 59, residenti sa barangay Lagao, Gensan. Subay sa pahayag ni Alias Nonoy, nakakita sa insidenti nga hilabihan ka kusog sa hangin niadtong tungura nga miresulta sa pagkatumba sa dakong punuan sa balite.
Atol sa pagkatumba sa kahoy, naatlan ang pag agi sa biktima nga nagsakay sa iyang bike. Dugang pagbutyag ni Noynoy nga halos tunga pa sa oras ayha nakuha ang biktimang nadat-ugan gumikan kinahanglan pang putlon ang mga sanga sa balite nga natumba.
Dali nga gidala sa Dr. Jorge Royeca Hospital ang biktima apan gideklara kining dead on arrival.
Facebook Comments
