Gidawat sa kapin kwatro mil ka mga Senior CitIzens ang ayuda gikan sa Department of Social Welfare and Development Field Office 10 sa gipahihayong duha ka adlaw nga programa didto sa Robinsons Place Iligan.
Gipangunahan ang pagpang -apod- apod sa Landbank of the Philippines sa pakig- alayon sa DSWD ug Lokal nga Panggamhanan sa Iligan.
Giklaro ni Konsehal Noli Pardillo, Chairman sa komitiba sa Senior Citizens sa konseho nga alang lang sa mga Senior Citizen Pensioners ang ipanghatag nga ayuda.
Matud ni konsehal Pardillo gumikan sa kadaghan sa mga pensioners hangtud ugmang adlawa domingo ang ilang pag- release sa maong salapi diha sa may Robinsons place.
Ang matag kliyente midawat ug P2,400.00 cash ilalum sa Unconditional Cash Transfer (UCT) program.
Ang UCT usa ka pamaagi sa DSWD isip tabang sa mga senior citizens sa epekto sa Tax Reform for Acceleration and Inclusion or TRAIN program.
(photo from DSWD)
