BACOLOD CITY – Nagdagun dagon kadto sa estasyon sang pulis ang isa ka lola agud ipa record nga ang iya bag ang nadula sa kilid sang gate sang Lupit Church sa dalan Lacson kahapon sang hapon.
Ang tagreklamo ginkilala kay Mercedita Casuyon, 71 anyos ang edad, isa ka balo kag pumuluyo sang Brgy. Handumanan.
Suno kay Lola Mercedita nga ini kasunod nga ini siya ang maga-gwa na sa simbahan, kinahanglan niya nga isira ang gate.
Ang ginhimo sang biktima, iya anay ginsandig sa kilid sang gate ang iya color pink nga bag kag ginsira ang gate.
Apang sa iya pagbalikid, nakibot siya nga wala na ang iya bag nga may unod nga importante nga mga ID kaangay sang SSS, Philhealth kag iban pa.
Lakip sa nadula kay lola amo ang iya kwarta nga cash nga kapin 1k pesos nga yara sa sulod sang bag./dyHB BACOLOD
