General santos City–Pormal nang napasakaan ug kasong Acts Of Lasciviousness si Buayan Barangay kagawad Arthuro Mascardo sa Police Station 3 human nga gireklamo kini sa usa ka minor de edad kansa mialigar nga gimolista niini makatulo ka higayon sulod mismo sa barangay hall sa Barangay Buayan niadtong mga milabay nga bulan.
Sumala pa ni Police Chief Inspector Peter Pinalgan Jr. ang hepe sa Police Station 4 nga gawas sa kasong pag supak sa RA 9165 (Comprehensive Dangerous Drug Act of 2002) human nga nasikop kini sa buybust operation nadugangan pa ang kaso sa nasangpit.
Pag butyag ni PCI Pinalgan nga base sa pahayag sa biktima nga nagsugod matud pa ang pag pangmolistya sa nasangpit nga kagawad ngadto sa minor de edad niadtong Christmas party sa Barangay Buayan ug nasundan pa kini ug maka duha nga higayon.
Sa karon wala pa usab mihatag sa iyahang reaksyon ang nasangpit nga kagawad kabahin sa dugang kaso nga gipasang-at ngadto kaniya. (Dave Silagan)
