General Santos City—balhog sa silda sa kapulisan partikular na sa Police Station 4 ang usa ka mekaniko kansa suspek sa pagpanunggab sa usa ka laborer human nga miapil-apil ang nahisgutan sa away sa suspek ug sa asawa niini didto sa may Villa Consuelo, Barangay City Heights, Gensan.
Suspek giila nga si Danny Boy Balad-on, 43, residenti sa Villa Consuelo, Barangay City Heights. Samtanga ng biktima giilang si Romnick Tradio, legal age, residenti sa nasampit nga lugar.
Subay sa inisyal nga imbistigasyon sa kapulisan, nasayran nga gabie sa nakalabayng adlaw dihang nag away ang suspek ug ang misis niini didto mismo sa ilang panimalay, apan nag apil-apil matud pa ang mga ang biktima diin gibunalan matud pa niini ug kahoy ang nasangpit nga suspek.
Didto na miinit ang ulo sa suspek, mikuha kini ug kutsilyo sulod sa ilang balay dayon gidunggab ang biktikma usa ka higayon igo sa walang bahin sa iyang lawas.
Paspas nga gidala sa Dr. Jorge Royeca Hospital ang biktima human sa insidenti, samtang ang suspek nadakpan sa kapulisan.
