Siayan, ZDN-Tanggong pa karon sa balay bilangguan ang usa ka pinagita sa balaod human kini gisikop sa PNP Siayan niadtong adlawng byernes didto sa may brgy Mangilay sakop sa maong lungsod.
Kini si Melchor Gumanta nalutsan kini ug warrant of arrest gikan sa hawanan ni Judge Nimfa B. Carreon Padao may kalabot sa kasong Attempted Homicide.
Halos tulo ka kagabie nga nagtingkagol sa balay bilangguan ang maong dinakpan tungod kay wala dayon kini naka pyansa sa kantidad nga gipangayo kaniya.
Butyag pa sa hepe nga si P/Insp Najin B Alip nga gipreparar na sa iyang mga kabanay alang sa pagpyansa karong adlawa.
Samtang hapsay ug malinawon sulod sa 24 oras dinhi sa probinsya sa Zamboanga del norte, tungod kini sa hugot nga pagpatuman sa mga kapulisan sama sa paghimo ug mga checkpoint ug pagbutang ug mga police visibility sa ilang tagsa-tagsa ka mga AOR.
Walay dinagko nga natala sa buhatan sa kapulisan gawas lamang sa mga petty crimes apan dili kini angay kabalak-an sa katawhan tungod kay dili kini maka patandog sa kahapsay ug kalinaw sa tibuok probinsya sa Zanorte.
