NAG-DRAW | Duha ka lalaki, pareho nga patay matapos mag-duelo sa Sagrada Familia, Dumarao, Capiz

915

Pareho nga patay ang duha ka lalaki matapos nag-duwelo sa Plaza sang Sagrada Familia sa banwa sang Dumarao, Capiz sini lamang nga gab-i.
Isa sa napatay ang bag-o lang nagdaug bilang number 1 Kagawad sang nasambit nga barangay nga ginkilala kay Remando Montaño.
Samtang ang naka-duwelo sini nga napatay man amo si Arnel Potente sang amo man nga lugar.
Ginpahayag nga nag-inum-inum ang duha sa may plaza sang barangay sang magluntad ang pagbaisay sa tunga nila kag naghangkatay nga mag-draw.
Si Montaño ang armado sang 9 mm pistol samtang si Potente ang armado naman sang 45 caliber pistol sang mag-duwelo nga nagresulta sang ila kamatayon.
Una nga gindala sa ospital sa Barotac Viejo si Montaño kon sa diin gindeklarar ini nga dead on arrival.
Sunod nga gindala si Potente apang wala man makalab-ot nga buhi.

Facebook Comments