Nag inusarang Infectious Disease Specialist sa Iligan nga si Dr. Quitos, balik trabaho human ang iyang quarantine tingod sa iyang exposure sa tulo ka mga COVID positive nga pasyente

*Dr. Leonell Quitos. (Photo from his facebook account)

Gilayong mibalik sa trabaho ang nag-inusarang infectious disease specialist sa Iligan human kini mipailawom sa self quarantine human siya gikonsiderang person under investigation o PUI.

Matud pa ni City Health Officer Cherlina CaƱaveral, natapos ni Dr. Leonell Quitos ang iyang 14-day quarantine ug gilayon kining nag-rounds o mibisita sa iyang mga pasyente.


Mipailawom si Quitos sa quarantine tungod kay nabati niya ang simtomas sa COVID-19 human ma-expose sa tulo ka mga COVID positive.

Apan, miingon si CaƱaveral, nga bisan paman og naka-quarantine kini, padayun gihapong nagtrabaho si Quitos isip membro sa Inter-Agency Task Force COVID Iligan, pinaagi sa online ug sa phone communication.

Unang na-expose ang 34 anyos nga doktor kang patient 40 (PH40), ang unang COVID case sa Northern Mindanao kinsa unang na-admit sa Adventist Medical Center – Iligan ug namatay sa Northern Mindanao Medical Center sa Cagayan de Oro City niadtong Marso 13.

Ang iyang ikaduhang exposure mao sila si PH492 nga taga-Masiu, Lanao del Sur ug PH1466 nga taga Barangay Del Carmen, Iligan City nga pulos anaa na sa recovery stage karon. (Divina M. Suson, April 6)

Facebook Comments