General Santos City—midangop sa buhatan sa Police Station 2 ang usa ka dalaga human nga iya gyud nakit-an ang iyang silingan nga namaklad kaniya ug nag-masturbate gawas sa ilang balay.
Alas 6:30 ang takna sa gabie sa July 5, 2017 dihang mireklamo ang biktimang itago lang sa pangalang alias Anabelle, 27, residenti sa Phase 1, Doña Solidad, Barangay Labangal Gensan, human iyang nasakpan ang iyang silingan nga si Alias Pao-pa, nga nagsige ug tan-aw sulod sa ilang balay samtang nag-masturbate.
Nakabati ug kalisang ang nahisgutang dalaga hinungdan nga mikalit kini ug syagit, didto na midagan ang nahisgutang suspek palayo sa ilang balay.
Samtang ang biktima midiretso sa buhatan sa kapulisan aron nga ireklamo ang suspek.
sa karon giturn-over sa kapulisan ang kaso ngadto sa Barangay aron tua mag husay ang mga nahisgutan human sa insidenti.
