Nag-mawer naligsan ug tricycle patay

Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

Patay ang usa ka Norodin Midkadal, 51 anyus, nga nanimuyo sa Prk 3, Barangay Batomelong ning syudad, human nabanggaan ug tricycle nga gimanihuan sa usa ka Ellezar Manza Kualta, 30 anyos, residente sa Barangay Batomelong ning syudad ala 1:54 ang takna sa hapon sa National Highway Digos-Makar Road, Barangay Tinagacan, Gensan.

Sumala pa ni Police Major Richard Ybanez, Hepe sa Traffic Management Unit (TMU) nga basi sa ilahang imbistigasyon nag-mawer matud pa sa center island ang biktima sa Tinagacan Bridge sa dihang kalit lang kining gibanggaan sa naghaguros nga tricycle nga gimanihuan ni Kualta. Gikaingong Padulong sa Dereksyon sa barangay Batomelong ang tricycle kansa nawd-an matud pa ug control ang driver sa manebela niini nga miresulta sa pagbangga niini sa nahimutangan sa biktima.

Gumikan sa kusog nga impact, nalagpot ang biktima ug 22 ka tikang gikan sa gitinduan niini, hain nakaangkon kini ug grabing samad sa iyang ulo nga hinungdan sa iyahang hinanaling kamatayon. Samtang nadala sa usa ka pribado ospital ang driver sa tricycle human nga nakaangkon usab ug daghang samad sa iyang lawas human nalagpot gikan sa gimanihuang tricycle. Posibleng mag-atubang ug kasong reckless imprudence resulting to homicide ang nahigutang driver higayon nga dili magpaareglo ang pamilya sa biktimang namatay.(CDS)


Facebook Comments