Sa interview sa DXDC RMN Davao kang PSSg. Dennis Alsong, imbestigador sa Digos City Police Station, iyahang giila ang biktima nga si Emmanuel Lazarte, 27 anyos, taga Lasang, Davao City nga maoy driver sa Sniper nga motor. Samtang ang driver sa usa ka motor mao si Richard Villacora, 48 anyos, taga Barangay Sinawilan, Digos City.
Saysay ni Alsong nga padulong sa Zone 1, Digos City ang duha ka motor diin nagsunod ang gimanehong motor ni Lazarte ug kalit lang nga naigo sa biktima gisundang motor, rason sa disgrasya.
“Pag-abot nila didto atbang sa Digos City National High School, ang lubot sa Kawasaki nga motor, gidasmagan sa Sniper. According sa mga nakakita didto area, kusog-kusog gyud daw’g dagan ang Sniper,” saysay sa imbestigador.
Sa pagkakaron, nagpadayon ang ginahimong imbestigasyon samtang gitakdang magtagbo ang duha ka kampo alang sa posibleng settlement.
RadyoMaN Kirby Manzon
