Davao City – Kasong reckless imprudence resulting to homicide ang atubangon sa driver sa kotse human namatay ang driver sa motor nga nibangga sa iyang sakyanan alas-7:30 sa gabii niadtong Martes (October 26, 2021) sa Astorga Proper, Santa Cruz, Davao del Sur.
Sa interbyu sa DXDC RMN Davao kang Police Corporal (PCpl.) Eric Jones Guerrero, personahe sa Santa Cruz Municipal Police Station (MPS), giila niini ang biktima nga mao si Ramie Leopardas, 24-anyos, residente sa Barangay Astorga, Santa Cruz, Davao del Sur samtang ang driver sa kotse mao si Rommel Mediano, 42-anyos.
Saysay ni Guerrero nga padulong Digos ang kotse, samtang direksyon pa-Davao ang motorsiklo sa dihang kalit lang matud pang misubay sa pikas ang lane ang motor hinungdan nga nibangga kini sa nagpadulong nga kotse rason sa iyang hinanaling kamatayon.
“Ang nahitabo man gud ani, ang motor niliko sa opposite direction, mao ‘to nabanggaan sa Hyundai,” saysay ni Guerrero.
Nagpahimangno ang pulis sa mga motorista nga siguradohong luwas ang pagliko sa dalan ug mugamit og signal sa sakyanan aron nga malikayan ang susamang mga insidente.
RadyoMaN Kirby Manzon
