Davao City – Mobalor sa P3-M ang damyos sa sunog sa may Purok 9B, Lower Madapo, Brgy. 8A, Davao City.
Sa interbyu sa RMN Davao kang Senior Fire Officer 3 Ramil Gillado, Chief Investigation officer sa Bureau of Fire Protection (BFP) XI nga 29 ka mga panimalay ang totally damage ug usa partially damage.
Matud ni Gillado nga base sa imbestigasyon nga nagsugod ang sunog sa balay ni Ricky Limbadan tungod matud pa kini sa nag-overheat nga surplus TV.
Mokabat sa 32 ka mga pamilya ang apektado human nga nangaugdaw ang ilahang mga pinuy-anan.
Walay samdan ug luwas ang tanan human sa dakong sunog.
Segun ni Gillado nga kini maoy ikaduhang sunog nga ilahang natala sa bulan sa Agosto samtang nikunhod og 50% ang fire incidents niadtong nakalabayng bulan sa Hulyo.
“Dakong tabang ang ginapahigayon nato nga Oplan Ligtas Pamayanan, sa dako nga pagubos sa kaso sa sunog dinhi sa Davao City,” matud ni Gillado.
Sumala niini nga sagad gihapon nga mahitabo ang sunog sa mga residential areas ug ang electrical related ang nag-unang rason sa mga sunog.
RadyoMaN Aimee Guinita
