Nag sarambil ang baba ni alyas Deomer, 18 anyos, isa ka construction worker kag residente sang South Baluarte, Molo matapos nga gin polo polo tapungol sang bana sang babaye nga iya gin sulod sa kwarto kag gin halukan kaina sang kaagahon sa barangay San Rafael Mandurriao.
Suno sa blotter report ni Alyas Suzette nga naga katulog ini sa kwarto sang iya mabatyagan nga may nag halok sa iya bibig kag sang mag siga ang suga, grabe ang iya kakibot sang makit-an nga iban gali nga lalaki ang naga halok sa iya.
Rason naman ni Deomer nga nagtalang lang ini sang kwarto nga gin sudlan matapos sila mag inom inom sa pista sa San Rafael Mandurriao kagab-e kag indi nya hungod mag sulod sa kwarto sang mag asawa.
Bilang resulta, nagsarambil ang bibig ni Deomer sa tapungol sang bana dugang pa nga kahapon lang gin takod ang braces sang suspek.
Preso ini karun sa Mandurriao PNP kag natalana nga pasakaan sang kaso.
