Report ni: Jennifer Palomo Debaja
Tungod sa gina agum pirmi nga kasakitan kag sa pagtiklud sang amo kahapon nga nag shoot gid sa labador ang isa ka OFW, waay na ini nag pang duwa duwa pa nga malagyo.
Isa ka tuig kag 3 ka bulan nga nag ubra si Joerlin Sajonia Dizor sang Acuit Barotac Nuevo sa Dubai upod ang utod sini apang tungod sa kapintas sang ila employer una nga nagpauli ang iya utod sa Pilipinas . Kag tungod naggasto ang amo sa pag hire sang utod sini, pila na ka bulan wala man gina swelduhan si Joerlin bilang kabayaran sa gasto sang amo.
Una na nga nangayu sang bulig si Joerlin nga marescue apang tungod sa adlaw adlaw nga pag maltrato wala na ini nakahulat sang rescue kag nag palagyo pakadto sa embahada.
Suno pa kay Joerlin, antis ginpapauli sang amo ang iya utod , sa gwa sang garden ini ginpatulog tungod lang gid nagrason siya sa amo .
Sa mga kasimanwang Ilonggos dira sa Dubai naga pangayo kami sang inyo bulig. Nalagyo si Joerlin nga naka uniform kag lawas kag katarungan gid ang dala.Gani kon may mahatag kamo nga gamit sa iya pasalamatan gid niya ini. Wala pa mahibaluan kon asta san o siya nga maga pabilin sa POLO-OWWA Shelter sa Dubai samtang naga coordinate ang embahada sa iya amo.
Mangin leksyon ini sa iban pa nga Ilonggos, indi magpadala dala sa offer sang Tourist Visa pa Dubai kon indi gusto mangin biktima sang Human Trafficking.
