Sangka bugae it Aklan ro naging madinaeag-on sa ging hiwat nga 2017 Physician Licensure Exam.
Raya hay sa katawuhan ni Karl Philip Lumio Avillo nga native it Poblacion, Kalibo ag nagtapos it anang kurso sa West Visayas State University College of Medicine sa siyudad it Iloilo.
Si Avillo it WVSU hay naka buoe it rating nga 90.00% nga naging third place sa board it Professional Regulation Commission (PRC) Board of Medicine ko September 2017 sa mga siyudad it Manila, Baguio, Cebu ag Davao.
Nasayuran nga umabot sa 3,340 ro nakapasa out of 4,064 nga nagbuoe it exam ag ro nanguna kara hay si Vincent Edouard Anthony Gullas nga may (90.50%) nga rating ag halin sa University of Sto. Tomas.
Mabahoe man do pagpasaeamat ko pamilya ni Karl sa Ginoo bangod sa madinaeag-on nana karang haabot sa anang pangabuhi.
Samtang mag-eowas kara hay nauna eon imaw nga naging madinaeag-on ko June 2012 Nursing Board Exam nga imaw man do naging Top 7.
