General Santos City—Nag negatibo sa presensya sa pulbura ang kamot sa nag unang person of interest nga ginatutukan sa police station 7 sa nahitabong pagpamusil sa usa ka pharmacy assistant niadtong milabay nga adlaw sa gipahigayon paraffin test sa kamot sa nasangpit nga lalaki.
Sumala pa ni PSI Fernando Manuel Jr. ang labaw sa Police Station 7 nga human matud pa ang ilahang gihimong imbistigasyon sa nahitabong pagpamusil patay kang Analuna Daz, 23, nga nanimuyo sa Opring Village, Barangay Calumpang mitumaw matud pa ang pangalan sa ex-boyfriend sa biktima nga maoy usa sa person of interest.
Giimbitaiahn matud pa kini sa Police Station 7 ug nakig alayon man usab ang nasangpit nga sa kapulisan ug gitugutan ang kapulisan nga ipailawom kini sa paraffin test.
Kung kahinumduman nga gipusil sa wala mailhing suspect nga sakay ug motorsiklo ang biktima niadtong milabay nga adlwa samtang naga lakaw kini padulong sa iyang duty. (Dave Silagan)
