Tantangan, South Cotabato – Malampuson nga nasikop pinaagi sa Manhunt Charlie Operation sa joint elements sa Tantangan PNP, Regional Intelligence Unit 12 ug South Cotabato Provincial Intelligence Branch ang Top 1 Most Wanted Person sa munisipyo sa Tantangan probinsya sa South Cotabato.
Ang suspek giila sa imbestigasyon sa kapolisan nga si Roel John Mara, 39 anyos, balo ug construction worker nga nagpuyo sa Barangay Bukay Pait, Tantangan sa nasangpit nga probinsya.
Adunay arrest warrant nga giatubang ang suspek sa kasong Parricide nga gipirmahan ni Judge Vicente Peña sa RTC Branch 45, Surallah, South Cotabato niadtong March 5, 2020.
Samtang walay pyansa nga girekomenda si Judge Peña batok sa kaso sa suspek nga karon anaa na sa kustodiya sa Tantanga PNP.
Gihulat usab sa kapolisan nga mapagawas ang commitment order sa suspek aron matugyan ngadto sa Pronvicial Jail.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: sikop (2).jpg]
