General Santos City— patay ang usa ka lalaki nga igo lang miuwang sa bangi sa mag ig-agaw sa sa Purok 3, Kalyong, Landan, Polomolok, South Cotabato.
Ang biktima giilang si Ricky Malasugui Landiles, 36, residenti sa samang lugar. Subay sa inisyal nga imbistigasyon sa Polomolok Municipal Police Station nasuta nga alas 4:00 pasado ang takna sa hapon dihang nakaplagana ng biktima sa balay sa usa ka Opel Malasugui nga nagkadugo maong dali kining gidala sa ospital sa Polomolok apan gideklara kining dead on Arrival.
Sa pahayag sa testigo nga si Leonila Malayon Malasugui naglalis matud pa ang suspek nga si Opel Malasugui u gig-agaw niining si Suzette Macantal gumikan matud pa sa kwarta. Giuwang ang duruha sa biktimang si Ricky ug didto na nasuko ang suspek.
Mikuha kini ug buak nga botelya nga maoy iyang gidunggab sa biktima sa likod nga bahin sa iyang ulo. Human nakit-an nga natumba na ang biktima, didto na misibat ang suspek saw ala sayring lugar.
Sa karon padayon ang gihimong imbistigasyon sa Polomolok Municipal Police Station kalabutan sa insidenti.
