![rmn-edited-2](https://i0.wp.com/rmn.ph/wp-content/uploads/2017/07/rmn-edited-2.jpg?resize=457%2C240&ssl=1)
General Santos City—samdan ang usa ka 25 anyos human nga gitigbas human iyang giuwang ang away sa suspek ug sa iyang igsuon sa Sarangani Province.
Naila ang biktima nga si Boyet Yarok, 25, residenti sa samang lugar. Samtang ang suspek nailang si Wiliam Buot Jr., residenti sa Prk. Bagsak, Barangay Tapon, Glan, Sarangani Province.
Subay sa inisyal nga imbistigasyon sa kapulisan nasuta alas 6:00 sa gabie niadtong nakalabayng adlaw, nahidangat ang biktima sa balay sa iyang igsuon.
Iyang naabtan ang panaglalis sa suspek ug sa iyang igsuon hinungdan nga iya kining giuwang.
Apan nasuko ang suspek, mikuha kini ug sundang dayon gitigbas ang biktima usa ka higayon igo sa iyang kamot nga bahin. Nakadagan ang biktima hinungdan nga wala kini napuruhan.
Sa karon ang kapulisan nagpahigayon nag imbistigasyon kalabutan sa insidenti, samtang gihuwat pa sa kapulisan kung magpasang-at ba ug kaso ang biktima batok sa suspek.