Davao City – Gikasubo sa Department of Education (DepEd) ang gihimong pag-maltrato sa usa ka amahan sa iyang 4-anyos nga anak nga lalaki didto sa kaulohan bag-ohay lamang diin nag viral kini sa social media.
Sa pakighinabi sa DXDC RMN Davao kang Jenelito “Dodong” Atillo, ang spokesperson sa DepEd-XI gisaysay niini nga walay dili maglagot sa gihimong pag abuso sa mismong amahan pinaagi sa pagbitay pabaliktad sa iyang anak ug gikulata tungod sa wala mi-uli nga asawa.
Kinahanglan sumala pang pahamtangan og mas bug-at nga silot ang si kinsa mang nagapangabuso sa mga kabataan labi na ang mismong ginikanan.
Dugang pa sa tigpamaba sa DepeD nga angayan nga maprotektahan ang mga kabataan nga daling kaayong mabiktima sa pagpangabuso.
“These (children) are very precious human resource that must be protected at all times. And because they are very very vulnerable to abuses, then there is a need really to I think impose much heavy sanctions or heavier sanctions against those who are into abuse of our children.” matud pa ni Atillo.
Kahinumduman nga gi-aresto ang usa ka amahan sa Santa Rosa, Laguna niadtong Huwebes, Disyembre 27, 2018 tungod sa video nga siya mismo ang nikuha diin gihiktan niini ang tiil sa iyang 4-anyos nga anak, gibitay pabaliktad ug gikulata.
Sa karon anaa na sa kamot sa City Social Welfare and Development (CSWD) ang bata ug gikatakdang pasakahan og kasong child abuse ang amahan niini.
RadyoMaN Kirby Manzon
