Inihayag ni DR. Vito “Butch” Borja, an City Health Officer kan Naga na igwa na sindang pig-organisang mga Health Volunteers ngunyan na nagpopoon na ang pagdagsa kan mga pilgrims katakod kan nagdadangandang na Peñafrancia Fiesta.
Sa maabot na semana lalung-lalo na sa aldaw kan Taslacion sa Viernes, Petsa 8 kan bulan kan Setyembre, pinaglalauman man an mas pang pagdakol kan mga pilgrims na makikisumaro sa nagdadangadang na Peñafrancia Fiesta.
Kabale sa mga assignments kan mga Health Volunteers iyo an mga lugar harani sa simbahan, asin man sa mga lugar na inaagian kan procession. Ini ta ngani sanang maagapan an siisay man na pilgrim or devoto na pwedeng raut-rautan nin ginhawa mantang nag-aatendir kan mga religious activities ngunyan na maabot na Peñafrancia Fiesta.
“… Expected na po na dakol an mga devotees na maabot sa Kapyestahan ni Ina. Nagpoon na po kita kasuodma sa Procession ni Divino Rostro” sabi pa ni Borja.
Apuera kan Traslacion sa Petsa 8, igwa pang Civic Parade sa Petsa 14, alas syete asin Voyadores Festival pagkahapon. An Military Parade gigibuhon sa Petsa 15, asin an Fluvial Procession naman sa Petsa 16.
Photoofschedfromnagacitydeck
photoofnchodownfromgoogle
