General Santos City—dapat lang patyon usab sa goberno ang mga operatiba nga naga-pananom ug ebidensya ngadto sa mga personahe nga target sa operasyon batok iligal nga droga kini ang maisugong pahayag ni Gensan City Councilor Edmar Yumang.
Sumala sa konsehal nga pabor kini sa Death Penalty hilabi na kung mapamatud-an nga ang nadakpan sa awtoridad usa ka drug lord nga maoy gigikanan sa droga.
Apan dapat usab silotan ang opiratiba nga naga-pananom ug ebidensya sa ilahang mga target pinaagi na usab sa Death Penalty higayon nga mapamatud-ang sila guilty niini.
Giangkon sa konsehal nga siya isip abogado, nagadepensa usab sa kaso sa iyang mga kaila nga giakusahan nga lambigit sa iligal nga droga, apan dili kini pasabot nga siya nakaprotektar sa illegal drug operation sa syudad.
Naatlan lang nga adunay nagaduol kaniya aron mag request nga siya himuong tigdepensa sa ilang kaso sama nalang ni Kapitan Abdul Wahid Bualan kansa gidakop sa PDEA ug giakusahan nga lambigit sa illegal Drug Activity.
Kahinumduman nga una nang gibulgar sa konsehal sa hawanan sa konseho nga dunay mga nangkatag nga impormasyon nga siya ug tulo pa ka kaubanang konsehal nga silang Councilor Atty. Jeng Gacal, Atty. Ramon Milleza ug Atty. Dominador Lagare Jr. ang apil sa Drug Watchlist sa PDEA-12 . (Dave Silagan)
