Nagabahis-bahis nga mga manindahay gibawal gihapon sulod sa DCOTT

Davao City – Padayon pang gina-estudyohan sa management sa Davao City Overland Transport Terminal (DCOTT) kung unsa ang mamahimong polisiya o guidelines sa mga peddlers o mga nagabahis-bahis nga manindahay sa terminal.

Sa interbyu sa DXDC RMN Davao kang Aiza Usop, DCOTT manager, gisaysay niini nga sa pagkakaron, wala pa gitugotan ang peddlers pagbalik sa pagbaligya sulod sa terminal tungod kay maapektuhan usab ang stall holders/vendors sa sulod nga wala pa nakarekober sa ilang kita.

“Kung makabalik napo’g sulod (ang peddlers), ma-minus minus napud ang halin nila (stall holders) diin anaa sa state of recovery pa sila tungod kay naa pa silay ginabayaran nga arrears,” sulti ni Usop.

Kahinumduman, nagsugod ang pagbawal sa peddlers sulod sa terminal tungod sa social distancing nga usa sa istriktong health protocols kaniadto nga gipatuman gumikan sa Coronavirus Disease 2019 (COVID-19).

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>