IGACOS PNP walay nakitang foul play sa napalgang patay nga babae sa sapa

88
Davao City- Nalumos-patay ang usa ka 38 anyos nga babayi sa sapa sa Prk. 3, Brgy. Pangubatan, Kaputian District, Island Garden City of Samal (IGACOS).

Sa interbyu sa DXDC RMN Davao kang Police Major Leo Alce, Island Garden City of Samal (IGACOS) PNP OIC, walay nakitang foul play ang kapulisan sa retrieve nga patay’ng lawas.

Ang biktima nasayran nga adunay mental health problem ug na-missing kini niadtong Sabado, Setyembre 10, 2022.

“Nalumos ni siya, naa man gud gamayng agianan nga didto na sapa, posibleng didto siya niagi ug na-slide so nalumos. Initially gilantaw sa atong mga investigators walay foul play, walay signs of struggle or unsa pa man,” matud ni Alce.

Matud ni Ensign Vasit Venturillo, Coast Guard Station IGACOS commander, na-retrieve sa mga personahe sa Coast Guard Sub-Station Tagbaobo ang patay’ng lawas sa biktima pasado alas 10:00 niadtong Dominggo (Setyembre 11, 2022).

RadyoMaN Aimee Guinita



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments