Ginbawian sang kabuhi, samtang ginapaidalom sa medikasyon ang nagabisekleta, matapos nga nabungguan sa Prk. 4 Brgy. Crossing Palkan, Polomolok, South Cotabato, pasado alas 2:00 sang hapon sang Disyembre 25, 2021.
Ginkilala ang biktima kay Christian King Aniñon Paglinawan, 21 years old, single kag residente sang Prk. 4 Brgy. Crossing Palkan, Polomolok, South Cotabato.
Imbolbado sa nasambit nga insidente ang isa ka Toyota Hi Ace Commuter Van ginamaneho ni Gler Tecson Ruiz , 41 years old, kag residente sang Prk. Millennium, Brgy. San Isidro General Santos City.
Base sa imbestigasyon sang Polomolok MPS, alas 2:11 sang hapon halin sa Koronadal City padulong sa General Santos City ang pampasahero nga vansang pag-abot sa Prk. 4 Brgy. Crossing Palkan nabungguan ang biktima nga nagtabok sa dalan.
Gilayon naman nga gindala sa ospital ang biktima, apang ginbawian sang kabuhi tungod sa naangkon nga head and body injury.
