BACOLOD CITY, NEGROS OCCIDENTAL – Duha ka mga lalaki nga hubog ang lunsay ginpangdala sa ospital matapos nabiktima sang vehicular accident sa separado nga lugar kagab-i sa ciudad sang Bacolod kag banwa sang La Castellana.
Una nga insidente natabo las 6:30 kagab-i sa Purok Himaya, Brgy. Mansilingan, Bacolod City kon diin ang biktima nga si Gilbert Cabalo, 41 anyos ang edad, pumuluyo sang amo nga lugar ang nakabunggo sa isa ka traysikol.
Suno sa biktima nga sakay siya sang iya motor apang bangud nga nakainom, ini siya ang nakabunggo kag nag-angkon sang pilas sa iya wala nga tiil.
Samtang, sa Brgy. Cabacungan, banwa sang La Castellana, may mga las 8:30 kagab-i, nabiktima man sang vehicular accident si Joemar Ordaniel, 37 anyos ang edad kag pumuluyo sang Brgy. Guinpanaan, banwa sang Moises Padilla.
Suno sa mga nag-rescue kay Joemar, ini siya ang hubog nga nagdala sang iya motorsiklo kon diin nadalasa sini ang isa ka ido rason nga naaksidente kag nag-angkon sang pilas sa iya ulo.
Ang amo nga duha ka biktima ang lunsay ginpangdala sa Corazon Locsin Montelibano Memorial Regional Hospital./dyHB BACOLOD
