Kinaandan na nga kun may kontra kita ukon wala naggustuhan nga tawo sa mga social media accounts atun sila gina-block.
Ini agud indi natun makita ang ila post kag indi sila makakumento sa atun posts.
Apang nahibaluan niyo bala nga siling sang mga experto ang mga nagapang-block sa social media makabig nga egomaniac?
Ginkumpermar ini sang kilala nga hypnotherapist nga si Steve McKeown matapos ang malawig nga tion nga pagtuon kun paano mag-react ang tawo sa kaangay nga sitwasyon.
Kaangay ini sang mga tawo nga gilayun mang-block sang iya mga abyan bisan sa simple lang nga kabangdanan.
Ginapakita sini nga indi mo luyag nga mangin kabahin ang iban nga tawo sang imo kalibutan.
Kun normal ini sa pamatyagan sang iban, ginatan-aw naman ini nga pagpalagyo sa problema sa baylo nga pangitaan ini sang solusyon.
Ini nga binatasan magapabilin lang sa kaugalingon tubtob san-o agud maamligan ang bugal ukon ego.
