Gipabuthan sa gituohang grupo sa MILF BIAF ang tropa sa sundalo sa gobyerno sa Kisayan, Barangay Ned, Lake Sebu, South Cotabato, alas 8:20 niadtong Pebrero 25, 2021.
Subay sa Report, nagpahigayon ug regular combat clearing patrol sa maong lugar ang tropa ni Sgt. Rey Dallapas (CE) PA uban ang syam ka mga miyembro sa CAA dihang nakit-an ang nagbitay nga tarpaulin sa MILF BIAF sa gilay-on nga kapin kon kulang 200 meters gikan sa ilang nahimutangan.
Gumikan niini, ilang giadtuan ang nahimutangan sa tarpaulin ug ila kining gitanggal apan diyhang mobiya na unta sila sa lugar, kalit lang silang gipabuthan tulo ka higayon, apan wala nila nakit-an ang mga suspek sa lugar mao nga midesisyon ang mga nasangpit nga mobalik sa Barangay Ned Proper.
Grupo matud pa ni Barrientos Biaw, Batallion Commander ilawom sa Esmael Binago @ Bundi, Brigade Commander, 13th Biwang Brigade, Foreign Affairs, MILF BIAF ang nagpabuto ug armas sa tropa sa militar.
Wala usay casualty sa pwersa sa gobyerno atol sa insidente.
