Report ni: Tita Jen Palomo Debaja
Wala pa na establisar ang kabangdanan sang pag baliskad sang isa ka double decker bus sa HK nga nag lab ut sa 19 tanan ang nadulaan sang kabuhi kg masubra 50 ka pasahero ang nagkalasamaran . Pila sa mga pasahero ang nagasiling nga tuman kadasig ang pagpadalagan sang drayber sang nasambit nga double decker bus.
Takna alas 6 ka gab e, Pebrero 10 sang nagbaliskad ang double decker bus sang KMB route 872 nga naga biyahe Shatin – Taipo Centre vice versa Samtang ara ini sa bahin sang Tai po Road., New Territories.
Ginkumpirmar nga napatay sa lugar sang nasambit nga aksidente ang 17 ka lalaki kg 2 ka babaye nga pasahero .
Takna alas 9 sang ,may ara 47 tanan sang pasahero ang natigayon gindala sa 12 ka nag kalain lain nga ospital kg 19 ang nagapabilin sa seryoso nga kondisyon .
Natigayon naman nga marescue ang tanan nga pasahero takna 9:30 kagab-i.
Nagbaliskad ang bus sa dulhugon kg kurbadahon nga bahin sang Tsung Tsai Yuen sa Taipo Road. Nalusbot ang atup sang double-decker bus sa mabaskog nga impact sang pag baliskad sini. Gina imbistigahan sang mga police ang 30-metros nga skid mark sa lugar sang aksidente agud madetermine ang kadasigon sang bus antis ini nagbaliskad.
Madamo sa mga pilason ang gin papungko sa kilid sang dalan agud maghulat sang rescue kg bulig medical kg naka hilera naman ang bangkay sang mga napatay.
Pila man sang mga first aide workers ang nag bulig madapatan sang bandages ang iban nga pilason.
Kalabanan sang mga pilason ang gindala sa Prince of Wales Hospital sa Sha Tin, Alice Ho Miu Ling Nethersole Hospital sa Tai Po, Queen Elizabeth Hospital sa Ho Man Tin kg United Christian Hospital sa Kwun Tong.
Sa pahayag sang KMB general manager nga si Godwin So Wai-kei sa crash scene, maga issue sang HK$80,000 (US$10,000) ang kumpanya para sa condolence allowance para sa pamilya sang napatay nga mga pasahero.
Padayon pa ang imbistigasyon sa nasambit nga aksidente . Arestado naman ang 30 anyos nga driver sang bus kg naga pangatubang ini sang kaso nga dangerous driving causing death.
