GENERAL SANTOS CITY- Padayong giila sa awtoridad ang personahe nga gidudahang mibilin sa duha ka bala sa mortar nga napalgan sa mga residente sa Purok Masagana, Barangay San Isidro niaging adlawng Sabado sa buntag.
Segon ni Pepito Ferman, nakatindog lang sila sa iyang silingan kilid sa kanal dihang namatikdan ang mortar hinungdan nga gilayung gipahibalo ang kapulisan.
Segun ni Police Major Alex Lanestosa, hepe sa San Isidro PNP nga dili usab angayang mabalaka ang mga residente duol sa lugar asa nakita ang mortar.
Giklaro ni Lanestosa nga empty shells na lang kini ug dili na mubuto pa.
Giimbestigahan gihapon sa kapolisan kung asa naggikan ang mortar ug kinsa ang nagbutang o dili ba kaha mibilin niini sa maong dapit.
Gipasalamatan usab niini ang mga residente tungod sa pag-report dayon ngadto sa presinto ug wala nila gihilabtan.
For more info’s and updates, like and share our official facebook account : www.facebook.com/ifm91.9Gensanofficial/
[image: mortar nga nakit-an sa kanal.jpg]
