Roxas City, Capiz- Nagkortesiya sa talatapan ni City Mayor Alan Celino ang pila ka mga doktor nga katapo sang World Surgical Foundation sa pagpanguna ni Dr. Marcus Lester Suntay sang St.Luke’s Medical Center.
Kaupod sini amu ang mga doktor halin sa United States kun sa diin katuyoan sang pagbisita sang mga ini nga makighin-anon sa alkalde angut sa igapatigayon nga surgical mission kaangay sang cliff left palette surgery, thyroidectomy kag iban pa. Ini naman ang plano nga igapatigayon sa Roxas Memorial Provincial Hospital apang wala pa sang natumod nga petsa.
Samtang ginpanugyanan naman ni City Councilor Julius Abela ang mga interesado nga magpaidalom sa amu nga operasyon nga magpadulong lamang sa opisina sang alkalde.
Ang amo nga surgical mission ang natigayon pinaage sa pagpatikasog sang negosyante nga Capiznon nga si Injap Sia.
photo © Roxas City Information Center
