NAGBU-ANG | Isa ka ginang nagbu-ang bangud sa natalana nga pagsirado sang Isla sang Boracay

637

Nagbu-ang ang isa ka iloy bangud sa natalana nga pagsirado sang Isla sang Boracay agud ipaidalum sa rehabilitasyon.

Nagsinggitan, nagwaras kag wala nagakaon-kaon ang ginang nga si Athelma Familara matapos mahibaluan nga siraduhan ang Isla sa maabot nga Abril 26.

Nahibaluan nga naga-istar sa isa ka magamay nga hayub-hayub nga nahamtang sa wetland number 9 sa Barangay Manoc-manoc upod ang iya tatlo ka kabataan.

Lubos gid nga ginbatyag ni Athelma ang pagpasira sang Boracay bangud Turismo ang mayor nila nga palangitan-an kon sa diin nagatrabaho siya bilang Masahista.

Nagakabalaka ini nga mawad-an sila sang palangabuhian sa pagpasirado sang Boracay kag madulaan naman sila sang kita para sa ila matag-adlaw nga kinahanglanon.

Dalayon na ini nga nagbuang matapos makabaton sila sang Notice to vacate gikan sa DENR kagginhatagan na lamang sang 15 ka adlaw agud magbiya.

Bangud sini, wala sang nahimo ang pamilya sang Ginang kundi nagdesisyon na lamang nga dal-on ini sa Mental Hospital.

Facebook Comments