Zamboanga City – Naharang sa otoridad ang napulo ka mga indibidwal nga mosulod unta sa Zamboanga City ug misulay paglusot gamit ang peke nga resulta sa RT-PCR Test.
Ang mga byahero nasapon sa Licomo Border Control Point kun asa nagdala-dala og peke nga negative RT-PCR test results aron makasulod sa dakbayan sa Zamboanga.
Ang nahisgutan nga mga indibidwal gikan sa Parang, Maguindanao ug paingon unta sa Brgy. Talisayan sa Zamboanga City aron pagtambong sa lubong sa ialng kaliwat.
Gi-apuran og Citation tickets ang mga dinakpan ug wala kini makataak sa ilang destinasyon kay gipapauli man dayon sila.
Ang mga nahisgutan gikatakda usab ang kasohan sa ilang pagpameke og dokumento.
Gisuta usab kun asa nangagi ang maong mga indibidwal.
Facebook Comments
