TACLOBAN CITY – Nadismaya an usa nga nagdaog han Small Town Lottery (STL) game ha pagsara han lotto outlet nga kukuhaan unta niya hin premyo ha Tacloban City.
Nadiskobre ni Archie Dacut, 40 anyos nga an lotto outlet kun diin hiya tumaya in sarado na. Plano unta niga nga gamiton an kwarta para baydan an ira electric bill para yana nga bulan.
“Kukuhaon ko unta an akon premyo ngan an P1,000 hito igbabayad ko han ak utang.” – Hi Dacut nga tumaya hin P10 ngan nagdaog daw hiya.
Ginsadhan han PNP an tanan nga gaming operations han Philippine Charity Sweepstakes Office (PCSO) ha sugo ni Presidente Duterte tungod han gin-aaligar korapsyon.
An pagpasara in nakit-an mismo han mga patagtaya nga waray na nahimo.
Ginlunsar han mga kapulisan an magkadurudilain nga operations para masiguro an pagpasara han nga lotto outlets, sumala kan Brigadier Gen. Dionardo Carlos, Regional Director han PNP Region 8.
Sumala kan Carlos, pira la kaoras han mahibaro hira han order han Presidente, nagtikang dayon an ira operations para sadhan an mga lotto outlets ngan betting stations.
Pira nga mga nagtatrabaho ha mga lotto outlets an nagpadangat hin kasuno ha social media tungod nga nawarayan hira hin trabaho.
