General Santos City— Giandam na sa kapulisan ang kasong kalapasan sa PD 1602 kon illegal gambling ngadto na sa upat ka mga suspetsadong si Trinidad Jorolan, 72 anyos, Oscar Tabligan, 68 anyos, Cherry Mae Manaloto hamtong ang pangidaron og si Jay-Ar Danda nga polos residente sa Brgy.mabuhay ning dakbayan.
Kahinumduman nga una ng nasikop ang mga nasampit sa gipahigayong anti illegal gambling operasyon sa mga personahe sa San Isidro PNP alas 7;20 sa gabie niadtong milabayng adlaw nga sabado.
Malamposong nasikop ang upat ka mga suspek human naaktuhan sa kapulisan nga nagdula og mahjong.nakuha sa ilahang posisyon ang 330 ka pesos nga kwarta ingon man ang mga illegal gambling parapernalyas.
Sa karun nagpabiling tingkagol sa lock up cell sa police station 4 ang mga naasoyng suspetsado. (Reynald Timario)
