Tapaz, Capiz – Patay ang 29-anyos nga anak matapos nga ginbuno sang mismo amay sini sa Sitio Brilyantehan Brgy Sinamongan banwa sang Pilar alas 11:30 sang gab-i.
Ginkilala ang biktima kay Genesis Evangelio y Aligan nga nag-angkon sang patal nga pilas sa dughan makaligad ginbuno gamit ang sandukon sang suspek nga amay nga ginkilala kay Jaime Evangelio y Bernales, 56-anyos ang pang-edaron.
Sa imbestigasyon sang kapulisan, nagaguha nga hubog nga gingubat sang biktima ang amay sini kag ginhangkat sang away kabangdanan nga ini ang ginbuno sang nagsaka sa hagdanan sang poluy-an sang suspek.
Nahibaluan nga may yara na sang indi paghangpanay sa tunga sang suspek kag biktima matapos sang nakaligad man nga tuig, ginlabo sang biktima nga si Genesis Evangelio ang utod sini kag amay.
