General Santos City—Patay nang nakaplagan ang usa ka mag-uuma human kining naghikog didto sa Purok Maligaya, Barangay Kematu Tboli, South Cotabato, niadtong nakalabayng adlaw.
Giila ang biktima nga si Limen Sabanay Binto, 51-anyos, minyo ug residente sa Sitio Lamkininog sa maong Barangay.
Nasayran nga si Binto usa sa mga evacuee sa nahitabong gubot tali sa militar ug sa NPA sa ilang Barangay.
Ayha nahitabo ang paghikog sa nasampit nananghid matud pa kini sa iyang asawa nga anaa sa Evacuation Center nga muuli una sa ilang balay, apan wala na kini makabalik sa evacuation Center sanglit nakit-an nalang kini nga nagbitay sulod sa ilang panimalay.
Usa sa mga ginatan-aw karon sa kapulisan nga hinungdan sa paghikog sa biktima ang depresyon.
Facebook Comments
