General Santos City—patay nang nakaplagan sa CR sa room 407 sa Dr.
Jorge Royeca Hospital ang usa ka pasyenti nga giilang si Rey Daguman,
37, lumad nga taga Iligan City ug temporaryong nagpuyo dinhi sa
dakbayan sa Gensan human naghikog pinaagi sa paghikot ug habol ngadto
sa iyang liog.
Sumala sa pipila ka Watcher sa pasyente nga kaubanan sa biktima nga
misulod sa CR ang nasangpit alas 12:00 ang takna sa tungang gabie.
Natingala sila nganong dugay kining nakagawas mao nga ilang gitoktok
ang pultahan sa CR, dihang wala migawas ug wala sab mitingog ang
nasangpit ila nalang giablihan ang CR ug didto nakit-an nalang nila
nga nagbitay na ang nahisgutan.
Dali nilang gitangtang ang nagbitay nga biktima sa pamasin nga maluwas
pa apan patay na gyud ang nahisgutan gumikan halos 30 minutos na
kining nagbitay.
Nasayran nga nag antus ang biktima sa iyang balatian nga Ulcer ug
pipila na usab ka adlaw nga naconfine sa maong balay tambalanan.
Gituohan nga gumikan sa iyang sakit ingon man ang pag inusara niini sa
ospital maoy nakatukmod sa biktima sa paghikog.
