Davao City-Nanghinaot karon ang majority floor leader sa konseho ning syudad sa Davao nga dili moabot sa scenario nga kudeta, pag-resign sa presidente ug pag-establisar sa Revolutionary Government nunot niining mga dagkong suliran nga giatubang sa nasod.
Sumala ni Davao City 3rd District Councilor Bernard Al-ag Davao City Council Majority Floor Leader, sa kasamtangang sistema ilawom sa lederato ni Presidente Rodrigo Duterte masulbad ang mga problema ilabina sa korapsyon. Matud ni Al-ag, luyo sa mga pagsaway nga naangkon ang kampanya batok gidiling droga, ipadayon gihapon ni Presidente Duterte.
Samtang sa hisgutanang korapsyon sa Bureau fo Customs, ang pagbulgar ni Senador Ping Lacson, dili pa na mao naa pay mas daghang mga opisyal sa ubang ahensya sa gobyerno nga nalambigit sa korapsyon. Matud ni Al-ag, sinugdanan pa lamang kini ug timailhan nga seryoso ang gobyerno sa pagpuhag sa korapsyon.
Sa pikas bahin, dili kampante ang progresibong grupong Anakbayan Southern Mindanao Region, sa pamaagi sa giyera kontra droga tungod kay mga pobre lamang ang gidaug-daug. Matud ni Jayvie Cabajes Anakbayan SMR Spokesperson, dili mabasol nga molambigit sila tungod kay walay katrabahoan ug makaon. Samtang sa hisgutanang korapsyon, bunga kini sa mga Politiko nga interest lang ang gihuna-huna ug dili ang katawhan nga maoy hinungdan sa kasamok ug kawad-on.
Kasamang Bernard Pantallon
