PONTEVEDRA – Apat ang patay samtang apat ang padayon nga gina-bulong sa ospital matapos nga ma-igu-an sang kilat sa Hacienda Carmenchica, Barangay Don Salvador Benedicto, banwa sang Pontevedra mga pasado alas-3 sini gid lamang nga hapon.
Nahibalu-an nga nagpasilong ang mga biktima sa kamalig matapos nga nagtupa ang mabaskug nga ulan apang disgrasya naman nga ma-igu-an sang kilat ang lugar nga ila ginpasilungan nga waiting shed.
Ang mga napatay ang ginkilala nga sanday Rubelyn Muedan 38, Glen Gutual 40, Marites Ganzon, 51, kag Renilda Villanueva 46 anyus.
Padayun nga gina-bulong sa Valladolid District Hospital sanday LynLyn Subong 39, Roberta Tiayon, 62, residente sang Sitio Cabcab, Antipolo, Marites Cabalida 54, Lito Cabalida 52 anyus, residente sang Hacienda Carmenchica.
